QR Premer-Mınıstri Álıhan Smaıylov qazaqstandyqtardy turǵyn úımen qamtamasyz etý boıynsha memleket qabyldap jatqan sharalar týraly aıtty, dep habarlaıdy Almaty-akshamy.kz
«Qazirgi ýaqytta jergilikti atqarýshy organdarda esepte turǵandardyń sany 590 myńnan astam adamdy quraıdy. Kezekte turǵandar sanynyń ósýine baılanysty turǵyn úıge eleýli jeńildikti baǵalar men kredıt boıynsha paıyzdyq mólsherlemeler túrinde memlekettik qoldaýdyń tıimdi sharalarynyń tartymdylyǵy aıtarlyqtaı áser etetinin atap ótý qajet», - dep jazdy Álıhan Smaıylov depýtattyq saýalǵa bergen jaýabynda.
Jalpy, azamattardy turǵyn úımen qamtamasyz etýge baǵyttalǵan negizgi memlekettik qoldaý sharalary mynadaı yntalandyrýshy tetikter arqyly qoljetimdi bolady:
- Kezekte turǵandardyń jaldaý aqysyn sýbsıdıalaý;
- Óz qyzmetkerleri úshin turǵyn úı salǵan aýyldaǵy jumys berýshiler shyǵyndarynyń 50%-yn sýbsıdıalaý;
- Azamattarǵa 2% jáne 5% mólsherleme boıynsha jeńildikpen kredıt berý;
«Atalǵan sharalar esebinen 10 jyl ishinde tabysy ártúrli deńgeıdegi jergilikti atqarýshy organdarda turǵyn úıge muqtajdar esebinde turǵan azamattarǵa keshendi memlekettik qoldaý kórsetý josparlanyp otyr», - dep túıindedi Premer-Mınıstr.