Bul kórsetkish boljamdarǵa sáıkes keledi.
2022 jyldyń toǵyz aıynda İJÓ ósimi 2,8%-dy qurady. Bul týraly Ulttyq bank tóraǵasy Ǵalymjan Pirmatov baspasóz máslıhatynda málimdedi, dep habarlaıdy Almaty-akshamy.kz Egemen.kz silteme jasap.
Ulttyq bank jetekshisiniń aıtýynsha, bul kórsetkish boljamdarǵa sáıkes keledi.
«İskerlik belsendiliktiń baıaýlaýy negizinen taý-ken ónerkásibindegi álsiz dınamıka esebinen júredi. Bul elimizdiń negizgi ken oryndarynda jóndeý jáne Qashaǵan zaýytyndaǵy apatqa baılanysty. Óńdeý ónerkásibi, saýda, aqparat jáne baılanys, kólik jáne aýyl sharýashylyǵy oń úles qosýda», - dep túsindirdi Ǵalymjan Pirmatov.
Sonymen qatar ol ekonomıkanyń damý dınamıkasynyń boljamdardan aýytqýynyń aıqyn tendensıasy baıqalmaıtynyn atap ótti.
«İJÓ ósimi qalyptasqan baǵa konúnktýrasy jáne jyl sońyna qaraı munaı óndirisiniń ósý qarqynyn qalpyna keltirý aıasynda ishki suranys pen naqty eksporttyń oń traektorıasymen qamtamasyz etiledi. Bul rette Qazaqstan ekonomıkasynyń turaqty damýy úshin táýekelder ósip kele jatqan ınflásıalyq prosester jazyqtyǵynda jatyr», - dep tolyqtyrdy Ǵalymjan Pirmatov.