Qazaqstan aýmaǵyn jaıaý baǵyndyrýǵa bel býǵan marafonshy Mekkege jaıaý barýdy armandaıdy.
72 jastaǵy marafonshy Sársenbaı Qotyrashov elordaǵa jetti. Elimizdiń bas qalasy – marafon kezinde qarıa aıaldaǵan 13-shi óńir. Aqsaqal týǵan jeri Qaraǵandy oblysyndaǵy Ulytaý aýylynan jolǵa shyqqan, dep habarlaıdy Almaty-akshamy.kz.
Qazir kúnine 40 shaqyrymdy artta tastaıdy. Alys saparǵa shyqpastan buryn zeınetker marafonǵa túpkilikti daıyndalǵan. Ol kún saıyn 100 shaqyrymǵa deıin júrip ótken.
«Aldaǵy maqsat - Mekkege jaıaý barsam degen armanym bar. Odan keıin Alla qýat berse jer sharyn aralap shyǵyp, halqymnyń bar ekenin, ultymnyń bar ekenin dúnıege tanytsam deımin», - deıdi saıahatshy Sársenbaı Qotyrashov.
Osy ýaqyt ishinde jıhankez on jup aıaq kıimdi tozdyryp úlgergen. Jalpy, qarasha aıyna deıin marafonshy Qazaqstannyń 18 qalasyn jaıaý aralaýdy kózdep otyr. Júrgen jerinde Ulytaý tarıhyn tanystyra otyryp, Naýryz merekesin keńinen nasıhattaýdy, sondaı-aq ár óńirdegi qolóner sheberleri týraly tyń derekterdi de jınaqtaýdy maqsat etken.