27-29 maýsymda Almaty qalasynda alǵash ret «New Vision: Bıznes kúshi» jahandyq bıznes-forýmy ótedi, ol Qazaqstandaǵy jyldyń eń jarqyn, ári mańyzdy bıznes-oqıǵasy bolmaq, dep habarlaıdy almaty-akshamy.kz.
Úsh kún boıy ońtústik astana qazaqstandyq ǵana emes, sonymen qatar sheteldik bıznes-kóshbasshylardyń, kórnekti saıası qaıratkerlerdiń jıyn ortasyna aınalady.
Forýmnyń negizgi taqyryptary AI dáýirindegi jahandyq megatrendterge, bıznes pen naryqtarǵa jáne ózgerister dáýirindegi kóshbasshylyqqa arnalady.
Osyndaı aýqymdy is-sharany ótkizip, dıalog alańyn qurýǵa sebep - aımaqtyń damýy, halyqaralyq bıznes qyzyǵýshylyǵynyń artýy jáne jergilikti startaptardyń aıtarlyqtaı ósýi.
İs-sharaǵa túrli salalar ókilderi: bıznesmender, ınvestorlar, tehnologıalyq kóshbasshylar, koýchter men óner qaıratkerleri, olardyń ishinde ınternet novatory - Djeff Hoffman, Virgin Group negizin qalaýshy - Rıchard Brenson, jetistik psıhologıasy salasyndaǵy álemdik sarapshy - Braıan Treısı, Astana Group ıesi, mesenat - Nurlan Smaǵulov, Kusto Group negizin qalaýshy-seriktesi, YPO Kazakhstan tóraǵasy - Qanat Kópbaev, Freedom Holding ıesi - Tımýr Týrlov, «Mr Body Language», 15 bestseller avtory - Allan Pız, BI Group aksıoneri, fılantrop - Aıdyn Rahımbaev, Prasanna Sankar - quny 11,5 mıllıard dollarǵa baǵalanǵan Rippling qyzmetkerlerdi basqarý startapynyń negizin qalaýshy jáne basqa da kórnekti kásipkerler men óz salasynda úzdik qaıratkerler qatysady.
New Vision aıasynda túrli formattar qarastyrylǵan: paneldik sesıalar, vorkshoptar, kórme, tálimgerlik aımaǵy, ashyq pikirtalastar.
Bıyl forýmǵa Dımash Qudaıbergen qatyspaq.
Álemge áıgili ánshi óziniń eń tanymal hıtteri men jańa ánderin oryndap, arnaıy baǵdarlama usynady.
Uıymdastyrýshylar Qazaqstandaǵy sý tasqynyna baılanysty is-sharadan túsken tabystyń 50%-yn zardap shekken óńirlerge aýdarý týraly sheshim qabyldady.
İs-sharany Nobel Fest álemdik ǵylymı festıvali Young Presidents Organization Kazakhstan (YPO)-men birlesip uıymdastyrady.
Kúni: 2024 jyldyń 27-29 maýsymy
Ýaqyty: 08:00 - 18:00
Ótetin jeri: Almaty q., Respýblıka saraıy - negizgi alań, «Qazaqstan» qonaq úıi, «Novotel» qonaq úıi.