Investısıa ulǵaıdy: Qazaqstanda qansha iri qara mal basy bar?
Ranking.kz sarapshylarynyń pikirinshe, bıyl qańtar - mamyr aılarynda mal sharýashylyǵy salasyndaǵy negizgi kapıtalǵa ınvestısıalar 54,9 mlrd teńgeni qurady. Bul qundyq mánde bir jyl burynǵyǵa qaraǵanda 32,1 paıyzǵa artyq, dep habarlaıdy Almaty-akshamy.kz Elorda.info-ǵa silteme jasap.
Mal sharýashylyǵy salasyndaǵy kúrdeli salymdardyń negizgi kólemi kásiporyndardyń menshikti qarajaty esebinen qamtamasyz etildi.
Bes aıdyń qorytyndysy boıynsha mal sharýashylyǵynyń jalpy shyǵarylymy 1,2 trln teńgeni qurady, bul bir jyl burynǵyǵa qaraǵanda naqty mánde 1,4 paıyzǵa artyq.
Óńirlik bóliniste eń joǵary kórsetkishter Almaty oblysynda tirkeldi. Kóshbasshylar úshtigine Túrkistan oblysy jáne Shyǵys Qazaqstan oblysy kirdi.
2022 jylǵy 1 maýsymda elimizde iri qara mal basy 10,1 mln basty qurady. Bul kórsetkish bir jyl burynǵyǵa qaraǵanda 4,4 paıyzǵa artyq.