Mınıstrdiń buıryǵy «Ádilet» normatıvtik quqyqtyq aktilerdiń aqparattyq-quqyqtyq júıesinde jarıalandy.
Oqý-aǵartý mınıstriniń 2022 jylǵy 21 maýsymdaǵy № 291 buıryǵymen orta bilim berý uıymdaryna arnalǵan oqýlyqtardyń, mektepke deıingi jáne orta bilim berý uıymdaryna arnalǵan oqý-ádistemelik keshenderdiń elektrondyq nysandaǵy tizbesi bekitildi, dep habarlaıdy Almaty-akshamy.kz
«Buıryqpen bekitilgen orta bilim berý uıymdaryna arnalǵan oqýlyqtardyń, mektepke deıingi jáne orta bilim berý uıymdaryna arnalǵan oqý-ádistemelik keshenderdiń, onyń ishinde elektrondyq nysandaǵy tizbesi osy buıryqqa qosymshaǵa sáıkes jańa redaksıada jazylsyn», - delingen mınıstr buıryǵynda.
Sondaı-aq, vedomstvo basshysy Mektepke deıingi jáne orta bilim berý komıteti Qazaqstan Respýblıkasynyń zańnamasynda belgilengen tártipke sáıkes atalǵan buıryqty Ádilet mınıstrliginde memlekettik tirkeýden ótkizýin mindetteıdi.
Resmı tirkeýden ótken soń buıryq Oqý-aǵartý mınıstrliginiń resmı saıtynda ornalastyrylady. Odan bólek, buıryqtyń alǵashqy resmı jarıalanǵan kúninen bastap qoldanysqa engiziletini aıtylǵan. Mektep oqýlyqtary men mektepke deıingi jáne orta bilim berý uıymdaryna arnalǵan oqý-ádistemelik keshenniń elektrondyq nusqasymen osy silteme arqyly tanysýǵa bolady.