Aýyl sharýashylyǵy sektoryndaǵy eń tómen jalaqy alatyndar - mal dárigerleri
QR Aýyl sharýashylyǵy mınıstri Erbol Qarashókeev mal dárigerleriniń jalaqysy qanshalyqty ósetinin aıtty, dep habarlaıdy Almaty-akshamy.kz
«Veterınarlardyń jalaqysy tómen, al olardyń jumysy óte qaýipti jáne olar únemi úıden tys jerde, saparlarda bolady. Respýblıka boıynsha mal dárigerleriniń ortasha jasy 40-55 jasty quraıdy. Ókinishke qaraı, jastar veterınarlardyń oqýyn oqyǵysy kelmeıdi. Sebebi olardyń jalaqylary tómen, al jumystyń kólemi úlken», - dedi Erbol Qarashókeev Májilistegi Úkimet saǵaty kezinde.
Onyń aıtýynsha, Úkimet bul máseleni jan-jaqty saralaǵan.
«Veterınarlyq sektorda joǵary bilikti jas mamandar jetispeıdi. Qazirgi zamanǵy qoǵamnyń úrdisterimen teń tabys tabý múmkindiginiń bolmaýy, eńbektiń qıyn jaǵdaılary, aýyldyq jerlerde ınfraqurylymnyń damymaýy jastar arasynda mal dárigeri kásibiniń tartymsyzdyǵyna alyp keldi. Osy jyldyń 1 sáýirine respýblıka boıynsha memlekettik tapsyrysty oryndaý úshin tarıfterdi kóterý esebinen veterınarlyq mamandardyń jalaqysy orta eseppen 33,4%-ǵa arttyryldy. Jyl sońyna deıin 60%-ǵa deıin arttyrý josparlanǵan», - dedi mınıstr.
Ol kelesi mysaldardy keltirdi.
«Qazirgi ýaqytta komýnaldyq kásiporyndardaǵy ortasha aılyq jalaqy óńirlerge baılanysty Qyzylorda oblysynda 80 myńnan Pavlodar oblysynda 200 myńǵa deıin ózgeredi. Alaıda, bul áli de jetkiliksiz», - dep atap ótti ASHM basshysy.
Bul máseleni sheshý úshin jergilikti jerlerde kelesi sharalar qabyldanady: básekelestik sektory joq jerlerde komýnaldyq veterınarıalyq kásiporyndar kórsetetin aqyly qyzmet túrleriniń kólemin ulǵaıtý. Ol úshin barlyq jerde aqyly qyzmet túrlerine tarıfter bekitiledi.
«Tıisti zańdardyń qabyldanýymen kelesi jyldan bastap QMÝ boıynsha 50% qosymsha tólemdi jáne KMK men QMÝ boıynsha bazalyq laýazymdyq jalaqyǵa 140% qosymsha tólemdi júzege asyrý kózdeletinin bárimiz bilemiz. Sondaı-aq saýyqtyrýǵa arnalǵan járdemaqy retinde eki laýazymdyq aılyq tóleý engiziledi. Biz bul sharalar mamandyqtyń tartymdylyǵy men bedelin aıtarlyqtaı arttyrýǵa múmkindik beredi dep esepteımiz», - dep túıindedi E.Qarashókeev.