Balalardy kitap oqýǵa baýlý
Bıylǵy jyl Prezıdent Jarlyǵymen "Balalar jyly" bolyp jarıalandy. Ári sáýir aıynyń basynda halyqaralyq balalar kitaby kúni atap ótiledi. Osy kúnge oraılastyrylyp Nur-Sultan qalasyndaǵy "Ortalyqtandyrylǵan kitaphanalar júıesi" mekemesi kitap oqý merekesin ótkizdi, dep habarlaıdy Almaty-akshamy.kz
Bul sharaǵa Qazaqstan Jazýshylar Odaǵy Nur-Sultan qalalyq fılıalynyń dırektory, aqyn Dáýletkereı Kápuly, belgili qalamgerler Baıanǵalı Álimjan, Tolymbek Ábdiraıym, Jákı Jákenuly, Nurlan Qalqa, jas jazýshylar Záýre Tórehan, Dına Oraz, ustaz Roza Esenbaeva, t.b. qatysty.
Kitaphana qyzmetkerleri uıymdastyrǵan is-sharada oqýshylar shyǵarmashylyǵyna kóńil bólindi. Oqýshylar, ustazdar, oqyrmandar, balalar ádebıetiniń ókilderi bas qosqan alqaly jıynda kókeıkesti máseleler de qozǵaldy.