Májilis jáne máslıhattardyń depýtattyǵyna kandıdattardy tirkeý qorytyndylary jarıalandy.
Ortalyq saılaý komısıasynyń tóraǵasy Nurlan Ábdirov Parlament Májilisiniń jáne máslıhattardyń depýtattyǵyna kandıdattardy tirkeý qorytyndylaryn jarıalady, dep habarlaıdy Almaty-akshamy.kz
«Parlament Májilisiniń jáne máslıhattardyń depýtattyǵyna kandıdattardy tirkeý qorytyndylaryn shyǵardyq. Atap aıtqanda, Parlament Májilisine 7 saıası partıanyń partıalyq tizimderi boıynsha 281 kandıdat, al bir mandatty aýmaqtyq saılaý okrýgteri boıynsha 435 kandıdat tirkeldi. Orta eseppen qarasaq, bir mandatqa 15 adam kúresedi», - dedi ol.
Al, máslıhattardaǵy bir orynǵa orta eseppen 3 kandıdattan keledi.
«Máslıhattardyń depýtattyǵyna saıası partıalardyń 118 partıalyq tizimi boıynsha 1 447 kandıdat, máslıhattardyń depýtattyǵyna bir mandatty saılaý okrýgteri boıynsha 10 288 kandıdat tirkeldi. Olar 3 081 mandat úshin kúresedi. Sonda bir mandatqa orta eseppen 3,34 úmitker dep aıtýǵa bolady», - dedi Nurlan Ábdirov.