Qolaısyz aýa raıyna baılanysty barlyq kólik túrleri úshin qozǵalysqa shekteý qoıyldy.
Batys Qazaqstan oblysynda kún raıynyń nasharlaýyna baılanysty jol jabyldy, dep habarlaıdy Almaty-akshamy.kz
«QazAvtoJol» málimetine qaraǵanda, 19 aqpan kúni saǵat 11:20-dan bastap respýblıkalyq mańyzy bar Chapaev-Jalpaqtal-Kaztalov-RF shekarasy (0-213 km, Chapaevtan Kaztalovqa deıin) jolynda barlyq kólik túrleri úshin qozǵalysqa shekteý qoıyldy.
Sondaı-aq, saǵat 14:30-dan bastap respýblıkalyq mańyzy bar Atyraý-Oral (372-189 km, Chapaevtan Atyraý oblysynyń shekarasyna deıin) joly qoǵamdyq jáne júk kólikteri úshin jabyldy.
Jabylý sebebi – boran, joldyń kórinýiniń nasharlaýy.
Osyǵan baılanysty BQO TJD eskertý jarıalanyp, tótenshe jaǵdaılardyń aldyn alý úshin tıisti sharalardyń alynyp jatqanyn jetkizdi.