Saılaý-2023: Kandıdattardyń arasynda 10 ulttyń ókili bar.
Ortalyq saılaý komısıasy tóraǵasynyń orynbasary Konstantın Petrovtyń aıtýynsha aldaǵy saılaýǵa kandıdatýrasyn usynǵan úmitkerlerdiń orta jasy 50-den aspaıdy, dep habarlaıdy Almaty-akshamy.kz
«Ózderińiz biletindeı, Parlament Májilisi 98 depýtattan turady, onyń 29-y bir mandatty aýmaqtyq okrýgter boıynsha saılanady. Óńirlerden alǵan málimetter boınysha 29 bir mandatty okrýg boıynsha 609 kandıdat usynyldy. Onyń 84-in qoǵamdyq birlestikter men saıası partıalar usynsa, 525-i nemese 86,2%-y ózin-ózi usynǵan», - dedi OSK tóraǵasynyń orynbasary komısıanyń kezekti otyrysynda.
Onyń málimeti boıynsha birmandatty júıe boıynsha kandıdatýrasy usynylǵandardyń 80%-y erler, 20%-y áıel.
«Úmitkerlerdiń ortasha jasy 50-den tómen. Eń jas kandıdat ta, eń eresek kandıdat ta Almaty qalasynda turady. Kandıdattardyń arasynda 10 ulttyń ókili bar», - dedi Konstantın Petrov.