Májilistiń jalpy otyrysynda «Qazaqstan Respýblıkasyndaǵy Adam quqyqtary jónindegi ýákil týraly» zańnyń jobasy birinshi oqylymda qabyldandy, dep habarlaıdy almaty-akshamy.kz
- Zań jobasyn daıyndaý kezinde halyqaralyq tájirıbeni, eń aldymen Parıj, Venesıanyń prınsıpteri muqıat zertteldi. Sondaı-aq alys jáne jaqyn shetelderdegi adam quqyqtary ýákili jónindegi qyzmetiniń zańnamalyq negizi men praktıkasy paıdaly boldy, - dedi Senat tóraǵasynyń orynbasary.
Zań jobasynyń negizgi erejeleri:
- Ýákildiń mártebesine, onyń qyzmetiniń qaǵıdattaryna, ıaǵnı adam men azamattyń quqyqtary men bostandyqtarynyń múddesinde zańdylyq, ashyqtyq prınsıpteri erekshe mán beriledi. Adam quqyqtary jónindegi ýákilge, onyń qylmystyq jaýaptylyǵyna nemese ákimshilik jaýapkershiligine qolsuqpaýshylyq mártebesi beriledi. Osyǵan baılanysty ony jaýapkershilikke tartýdyń jańa tártibi engiziledi. Sondaı-aq ýákil kýá retinde aıǵaqtar berýden bosatylady.
- Adam quqyqtary jónindegi ýákildiń adam men azamattyń buzylǵan quqyqtaryn qalpyna keltirý jónindegi ókiletteri keńeıtiledi. Ótinish berýshiniń buzylǵan quqyqtaryn qalpyna keltirý úshin qabyldanýǵa tıisti sharalarǵa qatysty memorgandarǵa nemese laýazymdy adamdarǵa usynystar joldaý, t.b.
- Mazmundyq turǵydan ýákilge adam men azamattyń quqyqtary men bostandyqtarynyń buzylýy týraly aqparatty zerdeleý, taldaý, shaǵymdardy qaraý qorytyndylaý fýnksıalary júkteledi.
- Zań jobasynda ýákildiń óńirdegi ókiliniń mártebesi men qyzmeti bekitiledi.
Bul zań jobasy halyqaralyq, otandyq quqyq qorǵaý uıymdary men sarapshylary shaqyrylyp, adam quqyqtary jónindegi ýákiliniń janyndaǵy sarapshylyq keńes sheńberinde, Senatta ótkizilgen dóńgelek ústelde jáne Májiliste talqylandy. Zań jobasy Venesıa komısıasynyń qaraýyna jiberildi, - dep túsindirdi Asqar Shákirov.
Onyń aıtýynsha, bul zań jobasyn qabyldaý teris jáne ózge de jaǵymsyz áleýmettik-ekonomıkalyq jáne quqyqtyq saldarǵa ákelmeıdi. Bul adamnyń jáne azamattyń Konstıtýsıamen kepildik berilgen negizgi quqyqtary men bostandyǵyn qamtamasyz etýge baǵyttalǵan. Demokratıalyq prosesterdi damytýdy kúsheıtýge, sondaı-aq Adam quqyqtary jónindegi ýákildiń ınstıtýty tıimdiligin arttyrýǵa múmkindik beredi.
Májilistiń jalpy otyrysynda depýtattar zań jobasyna qoldaý bildirip, jobany qabyldady.