Úıdegi taýyq jáne qaz-úırekterge qus tumaýy jabaıy qustardan juqqan
Mundaı qorytyndyny Veterınarlyq baqylaý jáne qadaǵalaý komıtetiniń basshylary keltirdi, dep habarlaıdy Almaty-akshamy.kz
Soltústik Qazaqstan oblysynyń Tımırázev aýdanynda qus tumaýynyń oshaǵy anyqtalyp, 230 qaz-úırek pen taýyqtyń óleksesi órteldi. Qyrkúıek aıynda Pavlodardyń Lebáje aýylynda da osy aýrý tirkelip, myńnan astam qanatty qyrylǵan.
Jalpy, osy óńirdegi qus ósirýshiler ótken jyly da shyǵynǵa batty. Sondyqtan bıyl qus tumaýyna qarsy vaksına 5 ese kóp salynýda. Qazir epızootıalyq jaǵdaı turaqty deıdi, mamandar. Degenmen el aýmaǵynda qustardyń qaýipti ınfeksıasy áli de bar.
«Aýrý jabaıy qustardan kelip otyr. Soltústiq Qazaqstan, Aqmola oblysynda paıda bolǵan oshaqtar jańadan týǵan jáne basqa jaqtan ákelgen qustardan shyǵyp otyr. Olar vaksınalaýdan ótpegen. Shyqqan oshaqtardyń aınalasyn 20 shaqyrym vaksınasıa jasaımyz jáne jabaıy qustardyń ushýyn baıqap otyryp, Qazaqstan aýmaǵynda qaýipti jerlerdi vaksınasıalaımyz», - deıdi QR ASHM Veterınarlyq baqylaý jáne qadaǵalaý komıteti tóraǵasynyń mindetin atqarýshy Baýyrjan Abyzbaev.