Jınalǵandar soǵys dalasynda qaza tapqan jaýyngerlerdi bir mınýt únsizdikpen eske aldy.
Búgin Astanada Májilis tóraǵasy Erlan Qoshanov Álıa Moldaǵulovanyń eskertkishine gúl shoǵyn qoıyp, rýhyna taǵzym etti, dep habarlaıdy Almaty-akshamy.kz.
Saltanatty rásim Uly Otan soǵysyndaǵy Jeńistiń 78 jyldyǵyna oraı ótti.
İs-sharada Palata spıkeri, Parlamenttegi saıası partıalar fraksıalarynyń basshylary men qala turǵyndary soǵys dalasynda qaza tapqan jaýyngerlerdi bir mınýt únsizdikpen eske aldy.
Aıta ketý kerek, soǵys jyldary Qazaqstannan maıdanǵa 1,2 mıllıonnan astam adam attandy, olardyń jartysy elge oralǵan joq. Kóptegen qazaqstandyq soǵysta kórsetken erligi úshin eń joǵary jaýyngerlik nagradalarmen marapattaldy.
Solardyń biri – qazaq halqynyń dańqty qyzy, mergen Álıa Moldaǵulova. Ol qaıtys bolǵannan keıin Keńes Odaǵynyń Batyry ataǵyna ıe boldy.