GSTC – týrızm men saıahatty damytýdyń jahandyq sharttaryn belgileıtin uıym.
Antaláda GSTC turaqty týrızm konferensıasy ótip jatyr, dep habarlaıdy Almaty-akshamy.kz.
Túrkıa bıyl alǵash ret GSTC turaqty týrızm konferensıasyn ótkizip jatyr. Konferensıa eldiń týrızm astanasy – Antalıada búgin bastalyp, 12 mamyrda aıaqtalady.
Turaqty týrızm men saıahat úshin jahandyq standarttardy belgileıtin jáne osy standarttardy iske asyrýdy qadaǵalaıtyn Jahandyq Turaqty Týrızm Keńesi (GSTC) bıylǵy basqosýǵa Túrkıany tańdady. GSTC – týrızm men saıahatty damytýdyń jahandyq sharttaryn belgileı otyryp, turaqty damytýdy qamtamasyz etetin kommesrályq emes uıym.
Sonymen qatar turaqty týrızmniń eń ózekti máselelerin talqylaý úshin álemdik kóshbasshylarmen túrli sharalardy júzege asyrady. Pandemıaǵa baılanysty eki jyl qatarynan onlaın rejımde ótken konferensıalar serıasy byltyr Ispanıanyń Sevılá qalasynda uıymdastyrylǵan.
Túrkıa da qatysqan 2022 GSTC Turaqty týrızm konferensıasynda 2023 konferensıasynyń Túrkıa Týrızmdi alǵa jyljytý jáne damytý agenttigi (TGA) tarapynan bildirilgen usynystan keıin Antaláda ótetini jarıalandy. Jıynda qatysýshylar úshin arnaıy daıyndalǵan beınerolık kórsetilip, Túrkıanyń Ulttyq turaqty týrızm baǵdarlamasy talqylandy.
