Jaqynda mádenıet basqarmasynyń burynǵy basshysy Bolat Majaǵulovtyń ustalǵany týraly aqparattar tarady.
AFM (Qarjylyq monıtorıń agenttigi) onyń ne úshin kúdikke ilingenin málimdedi, dep habarlaıdy aqshamnews.kz.
2016 jyly «Kún» fontanynyń qurylysy kezinde qurylysqa arnalǵan kelisimsharttar memlekettik satyp alý prosedýralaryn ótkizbesten jasalǵan.
Fontan qujattamalarsyz jáne memlekettik saraptamadan ótpeı salynǵan.
Qurylys barysynda sapasyz materıaldar qoldanylǵan, nátıjesinde fontan 2017 jyldan beri jumys istemeıdi.
1 mıllıard teńgeden astam qarajat urlanǵan.
İs aıasynda Majaǵulovtyń múlkine: 3 komersıalyq nysanǵa, 2 avtoturaq ornyna jáne Astanadaǵy premıým klasty páterlerine tyıym salyndy.