Ekibastuz qalalyq soty «Maıqaıyńaltyn» AQ aýmaǵynda bolǵan apattan kóz jumǵan qutqarýshynyń týystarynyń quqyǵyn qorǵady, dep habarlaıdy aqshamnews.kz.
Qaıǵyly oqıǵa bıyl 4 qańtarda bolǵan. «Maıqaıyńaltynǵa» tıesili kenishtegi shuńqyrǵa avtobýs qulaǵan. Saldarynan 3 qutqarýshy men júrgizýshi qaza tapty. Olar Kásibı áskerılendirilgen avarıalyq-qutqarý qyzmetteriniń respýblıkalyq ortalyǵynyń qyzmetkerleri bolǵan.
Osy fakti boıynsha arnaıy komısıa jazataıym oqıǵaǵa tekserý júrgizip, onyń qorytyndysy boıynsha jumys berýshiniń kinási 100%, jumyskerlerdiń kinási 0% ekenin anyqtady, – dedi sottyń baspasóz qyzmeti.
Pavlodarnews.kz málimetinshe, qaza tapqan qutqarýshy Oleg Tyshkevıchtiń anasy, qyzy, uly jáne ápkesi kompanıa moraldyq zıandy óteýi kerek dep sotqa júgingen. Olar qaıǵyly oqıǵa kezinde jumys berýshi kóńil aıtpaǵanyn, qoldaý kórsetpegenin atap ótti.
Sot bolǵan jazataıym oqıǵaǵa jumys berýshiniń 100% kinási baryn eskerip, qaıtys bolǵan qutqarýshynyń týystarynyń talaptaryn tolyq qanaǵattandyrdy. Osylaısha, árbir týysynyń paıdasyna 30 mln teńgeden, jalpy somasy 120 mln teńge moraldyq zıandy óndirdi, – dep jazylǵan habarlamada.