Bul týraly Almaty ákimi Erbolat Dosaev Bostandyq aýdanynyń turǵyndarymen kezdesý barysynda joldaǵy sapasyz lúkter jaıly suraqqa jaýap berdi.
«Joldaǵy lúkterge qatysty barlyq másele júıeli túrde sheshiledi. Bıylǵa jospar bar, qarajat bólindi. Biz qazir lúkterdi «qalqymaly» túrine aýystyryp jatyrmyz, bul jumys 2026 jyldyń sońyna deıin jalǵasady», - dedi megapolıs basshysy.
Erbolat Dosaev qalada sý-jylýmen qamtamasyz etý jáne basqa da túrli kásiporyndarǵa jatatyn kóptegen lúkter bar ekenin atady.
«Bul josparly jumys, eger qala turǵyndary bir jerde másele sheshilmegenin aıtyp júginsa, biz ony bólek qarastyramyz. Byltyrdan beri aǵymdaǵy jóndeý jumystary aýdan ákimdikterine berilgeni belgili, qazir jumys qarqyn aldy, biraq sapasy boıynsha belgili bir shaǵym bar. Bıyl biz lúkterdi jóndeý boıynsha jańa standartty bekitemiz jáne kelesi jyldyń kókteminde sol jańa standart boıynsha jumys isteımiz», - dedi Almaty ákimi.