Vácheslav Ershov – 2006 jylǵy Azıa chempıony.
Tanymal qazaqstandyq ziltemirshi Vácheslav Ershov dúnıeden ótti, dep habarlaıdy Almaty-akshamy.kz Aýyr atletıka federasıasyna silteme jasap.
Resmı málimetke sáıkes, sportshy 29 qańtarda qaıtys bolǵan.
"Qazaqstannyń aýyr atletıka federasıasy Vácheslavtyń týǵan-týystary men jaqyndaryna qaıǵyryp, kóńil aıtady. Biz seni umytpaımyz, chempıon...", - delingen resmı federasıa taratqan habarlamada.
Qazaqstan chempıonattarynda birneshe ret top jarǵan Vácheslav Ershov álem chempıonattaryna da qatysty.
2013 jyly Ershov álemniń eki dúrkin chempıony Maııa Manezaǵa úılengen. Olardyń uly bar.