Ol Atyraý oblysynyń ákimi qyzmetinen ketti.
Memleket basshysynyń Jarlyǵymen Mahambet Joldasqalıuly Dosmuhambetov Atyraý oblysynyń ákimi laýazymynan bosatyldy, dep habarlaıdy Almaty-akshamy.kz Aqordanyń saıtyna silteme jasap.
Mahambet Joldasqalıuly 1960 jyly 25 jeltoqsanda Atyraý oblysynda týǵan.
1983 jyly I.M. Gýbkın atyndaǵy Máskeý munaı-hımıa jáne gaz ónerkásibi ınstıtýtyn «Geologıa jáne munaı-gaz ken oryndaryn barlaý» mamandyǵy boıynsha bitirgen.
2016 jyly Qazaq memlekettik zań ýnıversıteti, iskerlik ákimshilik magıstri bolǵan. Eńbek qyzmetin 1983 jyly «Embimunaı» birlestiginiń Balyqshy barlaý burǵylaý basqarmasynyń geology retinde bastaǵan.
Túrli jyldary «Mańǵystaýmunaıgaz» AQ-da bas geolog, geologıa jáne geofızıka boıynsha bas dırektordyń orynbasary, geologıa jáne óńdeý boıynsha bas dırektordyń orynbasary, bas dırektordyń birinshi orynbasary – basqarma múshesi bolǵan.
Sońǵy jyldary «Embimunaıgaz» AQ bas dırektory (basqarma tóraǵasy), «QazMunaıGaz» UK AQ geologıa boıynsha basqarýshy dırektory – bas geolog, iri jobalar boıynsha basqarma tóraǵasynyń orynbasary jáne iri operasıalyq emes aktıvter jáne teńiz jobalary boıynsha bas vıse-prezıdenti laýazymdaryn atqarǵan.
2016-2019 jyldary Qazaqstan Respýblıkasy Energetıka mınıstriniń birinshi orynbasary qyzmetin atqardy.
2019 jyldyń jeltoqsan aıynan beri Atyraý oblysynyń ákimi qyzmetin atqaryp keldi.
«Qazaqstan Respýblıkasynyń Táýelsizdigine 10 jyl» medalimen marapattalǵan.