Prezıdent Jarlyǵymen ákim bolyp taǵaıyndaldy.
Prezıdenttiń Jarlyǵymen Serik Jambyluly Shápkenov Atyraý oblysynyń ákimi laýazymyna taǵaıyndaldy, dep habarlaıdy Almaty-akshamy.kz Aqordaǵa silteme jasap.
«Serik Jambyluly Shápkenov Atyraý oblysynyń ákimi bolyp taǵaıyndalsyn, ol Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymynan bosatylsyn», - delingen Prezıdent Jarlyǵynda.
Serik Jambyluly 1979 jyly 29 shildede týǵan.
M. Ótemisov atyndaǵy Batys Qazaqstan memlekettik ýnıversıtetiniń ekonomıkalyq kıbernetıka fakúltetin bitirgen (2000), ekonomıs-matematık.
Eńbek joly: 2000 jyly - M.Ótemisov atyndaǵy Batys Qazaqstan memlekettik ýnıversıtetiniń oqytýshysy.
2001 jyly - Batys Qazaqstan oblystyq qorshaǵan ortany qorǵaý qorynyń jetekshi mamany.
2002 jyldyń maýsymynan - Batys Qazaqstan qarjy basqarmasynyń jetekshi mamany, 2003 jyldan - bas mamany.
2006 jyldyń qańtarynan - BQO Ekonomıka jáne búdjettik josparlaý departamenti shynaıy sektordy damytý bóliminiń bastyǵy.
2006 jyldyń naýryzynan - BQO aýyl sharýashylyǵy departamenti ákimshilik bóliminiń bastyǵy.
2007 jyldyń qańtarynan - BQO aýyl sharýashylyǵy departamenti dırektorynyń orynbasary.
2007 jyldyń qazanynan - BQO ekonomıka jáne búdjettik josparlaý departamenti bastyǵynyń orynbasary.
2009 jyldyń qyrkúıeginen - Batys Qazaqstan oblysy ekonomıka jáne búdjettik josparlaý basqarmasynyń bastyǵy.
2014 jyldan - QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2016-2018 jyldary – Atyraý qalasynyń ákimi, Atyraý oblysy ákiminiń orynbasary (2018-2020).
Qazaqstan Respýblıkasy Eńbek jáne halyqty áleýmettik qorǵaý vıse-mınıstri (2020-2021).
2021 jyldyń qańtar aıynan beri Eńbek jáne halyqty áleýmettik qorǵaý mınıstri bolyp qyzmet atqardy.