Únemdi ári tózimdi: Almatynyń magıstraldy avtojoldarynda jańa úlgidegi 12 shaqyrym qorshaý ornatyldy
Bir jyl ishinde qalada myrysh metalynan jasalǵan 12 shaqyrymǵa jýyq jol qorshaýy ornatyldy. Almaty ákimi Erbolat Dosaev osynaý únemdi ári tózimdi materıaldy belgiler men jol qorshaýlaryn ornatý kezinde paıdalanýdy tapsyrdy, sonyń arqasynda magıstraldy avtomobıl joldarynyń syrtqy túri jaqsardy, dep habarlaıdy almaty-akshamy.kz
2023 jylǵa arnalǵan jol jumystary josparynda «boıalǵan metaldan» jasalǵan qubyrly túrdegi jol qorshaýlaryn myryshtaý ádisin qoldana otyryp jasalǵan qorshaýlarǵa aýystyrý kózdelgen. Aǵymdaǵy jol-jóndeý kezinde 12 shaqyrymǵa jýyq jerge osyndaı qorshaýlar ornatyldy. Bul jumystardy kelesi maýsymda jalǵastyrý josparlanýda.
Myryshtalǵan metal qorshaýlardy paıdalaný magıstraldy avtojoldyń túrin uzaq ýaqyt boıy (15 jáne odan da kóp jyl) tıisti saqtaýǵa múmkindik beredi jáne sáıkesinshe jyl saıynǵy tottan tazartý jáne boıaý shyǵyndaryn boldyrmaý arqyly olarǵa qyzmet kórsetý shyǵyndaryn azaıtýǵa múmkindik beredi.
Joldardy (jol qorshaýlaryn) abattandyrý elementterin tehnıkalyq jaramdy kúıde ustaý úshin jyl saıyn olarǵa tehnıkalyq qyzmet kórsetý, onyń ishinde josparly syrlaý jáne jýý júrgiziledi. «Boıalǵan» metaldan jasalǵan qubyr qorshaýlary bir jyl ishinde aıtarlyqtaı korozıaǵa ushyrady. Qurylys normalaryna sáıkes qorshaý betterin boıaý kontınentaldy klımat pen joǵary ylǵaldylyq jaǵdaıynda estetıkalyq kelbetin jıi joǵaltatyn boıaýmen júzege asyryldy.
Sondaı-aq, 2023 jyldyń basynan bastap Almatyda 3 804 jol belgisi ornatylyp, ishinara «myryshtalǵan» belgige aýystyryldy, 109 kóshede 277,86 myń sharshy metr jolaqtar syzyldy.