Osy birinshiliktegi bastapqy kezdesýi
Iordanıa astanasy Amman qalasynda bokstan ótip jatqan Azıa chempıonatynda Mádına Nurshaeva qola júldege ıe boldy, dep habarlaıdy Almaty-akshamy.kz QazAqparat-qa silteme jasap.
Azıa chempıony M.Nurshaeva 66 kelige deıingi salmaqta ońtústikkoreıalyq Choı Hon Gúnmen sheberlik baıqasty.
Bul Mádınanyń osy birinshiliktegi bastapqy kezdesýi edi.
Tóreshilerdiń esebinshe, birinshi raýnda ońtústikkoreıalyqtyń sál basymdylyǵy baıqaldy. Ekinshisinde qazaqstandyq ese qaıyrdy. Úshinshi kezeń de tartysty ótti. Qorytyndysynda qazylar jeńisti koreıalyq boksshyǵa berdi.
Kúndizgi sesıada taǵy bir qazaqstandyq Lázzat Kúngeıbaeva fınalǵa shyǵý úshin úndistandyq Alfıa Taranným Akrammen talasady.
Qazaqstandyq qyzdardyń qalǵan bes básekesi keshki sesıada ótedi.
Eske sala keteıik, budan buryn Azıa chempıonatynda búgin toǵyz qazaqstandyq boksshynyń fınalǵa shyǵý úshin talasatynyn jazǵan bolatynbyz.
Sondaı-aq Nazym Qyzaıbaı Azıa chempıonatynyń qola júldegeri atandy.
Jaına Shekerbekova Azıa chempıonatynyń fınalyna shyqty.