QR Mádenıet jáne sport mınıstriniń buıryǵymen sport salasyndaǵy birqatar baǵynysty uıymdardyń basshylary taǵaıyndaldy, dep habarlaıdy Almaty-akshamy.kz mınıstrliktiń resmı saıtyna silteme jasap.
Maratbek Myqtybekov «Sportty damytý dıreksıasy» RMQK dırektory qyzmetine taǵaıyndaldy.
Maratbek Myqtybekov 1981 jyly Túrkistan oblysynda dúnıege kelgen. Sambo men dzúdodan halyqaralyq dárejedegi sport sheberi, sambodan jasóspirimder arasyndaǵy álem chempıony, dzúdodan jasóspirimder arasyndaǵy álem chempıonatynyń Qazaqstan tarıhyndaǵy birinshi júldegeri, qazaq kúresinen sport sheberi. Kóp jyldar boıy sport salasynda túrli laýazymdarda, onyń ishinde kúres túrleri boıynsha olımpıadalyq daıarlaý ortalyǵynyń dırektory, dzúdo federasıasynyń birinshi vıse-prezıdenti, Azıa boks konfederasıasy atqarýshy dırektorynyń keńesshisi, Qazaqstan boks federasıasy prezıdentiniń keńesshisi, Qazaqstan boks federasıasynyń atqarýshy dırektory qyzmetin atqarǵan.
Baqdáýlet Sábıtov «Ulttyq jáne at sporty túrleri ortalyǵy» RMQK dırektory bolyp taǵaıyndaldy.
Baqdáýlet Sábıtov 1992 jyly 6 sáýirde Ońtústik Qazaqstan oblysynda dúnıege kelgen. 2014 jyly L.N. Gýmılev atyndaǵy Eýrazıa ulttyq ýnıversıtetin bitirgen. Halyqaralyq dárejedegi sport sheberi, qazaqsha kúres pen sambodan Azıa chempıony. «Eýrazıa barysy» týrnıriniń úsh dúrkin jeńimpazy, dzúdodan Eýropa Kýbogynyń ıegeri, álemdik Gran-prı júldegeri. Ár jyldary «Qazaqstan Respýblıkasynyń qazaqsha kúres federasıasy» qaýymdastyǵynyń bas dırektory, Qazaq kuresi qaýymdastyǵynyń damý jónindegi dırektory jáne t. b. qyzmetterdi atqarǵan.
Rysbek Qydyrbek «Dene shynyqtyrý jáne sport jónindegi respýblıkalyq oqý-ádistemelik jáne taldaý ortalyǵy» RMQK dırektory qyzmetine taǵaıyndaldy.
Rysbek Qydyrbek 1962 jyly 14 shildede Aqmola oblysynda dúnıege kelgen. 1985 jyly Qazaq pedagogıka ınstıtýtyn bitirgen. 2004 jyly A.Baıtursynov atyndaǵy Qostanaı memlekettik ýnıversıtetiniń dene shynyqtyrý jáne sport fakúltetin támamdaǵan. Ár jyldary Qazaqstan Respýblıkasynyń Týrızm jáne sport jónindegi agenttiginde, Q. Muńaıtpasuly atyndaǵy respýblıkalyq sport ınternatynyń dırektory, Ońtústik Qazaqstan oblysy dene shynyqtyrý jáne sport basqarmasynyń basshysy, qysqy sport túrleri boıynsha respýblıkalyq joǵary sport sheberligi mektebiniń dırektory jáne t. b. qyzmetterde bolǵan.
Ernar Ibraımov «Respýblıkalyq sport koleji» RMQK dırektory qyzmetine taǵaıyndaldy.
Ernar Ibraımov 1984 jyly 15 naýryzda Jambyl oblysynda dúnıege kelgen. M.H. Dýlatı atyndaǵy Taraz memlekettik ýnıversıtetiniń túlegi. 2011-2018 jyldary Jambyl oblysynyń olımpıada rezervin daıarlaý ortalyǵynyń dırektory, 2018-2022 jyldary Almaty qalasynyń «Shańyraq» shaǵynaýdanyndaǵy «Respýblıkalyq mamandandyrylǵan olımpıadalyq rezerv mektep - ınternat-kolledji» RMM dırektory qyzmetin atqarǵan.
Medet Torǵaev Almaty qalasynyń «Shańyraq» shaǵynaýdanyndaǵy «Olımpıada rezerviniń respýblıkalyq mamandandyrylǵan mektep-ınternat-kolledji» RMM dırektory qyzmetine taǵaıyndaldy.
Medet Torǵaev 1986 jyly 20 naýryzda Almaty oblysynda dúnıege kelgen. Sport jáne týrızm akademıasynyń túlegi. Eńbek jolyn sambodan jattyqtyrýshy-oqytýshylyqtan bastaǵan, Sport jáne dene shynyqtyrý isteri agenttigi men QR Mádenıet jáne sport mınıstrliginiń qurylymdarynda úlken jumys tájirıbesi bar. Taǵaıyndalǵanǵa deıin 2017-2022 jyldar aralyǵynda Almaty qalasynyń «Shańyraq» shaǵynaýdanyndaǵy «Olımpıada rezerviniń respýblıkalyq mamandandyrylǵan mektep-ınternat-kolledji» RMM dırektorynyń sport jónindegi orynbasary qyzmetin atqarǵan.