Qazaqstan Respýblıkasy Mádenıet jáne sport mınıstrliginiń Arhıv isteri jáne qujattamany basqarý komıtetiniń jańa tóraǵasy bolyp Qýat Borashev taǵaıyndaldy.
QR mádenıet jáne sport mınıstriniń buıryǵymen Qýat Qaharmanuly Borashev Qazaqstan Respýblıkasy Mádenıet jáne sport mınıstrliginiń Arhıv isteri jáne qujattamany basqarý komıtetiniń tóraǵasy qyzmetine taǵaıyndaldy, dep habarlady Almaty-akshamy.kz Primeminister.kz saıtyna siltemelep.
Qýat Borashev 1972 jyly Jambyl oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin támamdaǵan. Mamandyǵy boıynsha biliktiligi — jýrnalıs.
Eńbek jolyn 1993 jyly «Qazaqstan» memlekettik teleradıo habarlaryn taratý kompanıasynyń redaktory qyzmetinen bastaǵan. 1994 jylǵy mamyr-qazan aılary aralyǵynda «Qazaqstan televızıasy men radıosy» respýblıkalyq korporasıasynyń reportery boldy.
1994-1995 jyldary — orta mektep muǵalimi. 1995-1997 jyldary — «Raıhan-TV» telekompanıasynyń dıktory. 1997 jylǵy shilde-qyrkúıek aılary aralyǵynda — «Taraz-TV» qalalyq telearnasynyń redaktory.
1997-2000 jyldary — «Aqnur» jáne «Azan» toptarynyń redaktory, jetekshisi, «Jambyl oblystyq teleradıokompanıasy» JAQ komentatory. 2000-2003 jyldary — «Qazaqstan temir joly» JAQ bas mamany. 2003-2005 jyldary — «Egemen Qazaqstan» respýblıkalyq gazetiniń tilshisi.
2005 jylǵy aqpan-maýsym aralyǵynda — «QR Prezıdentiniń TRK» UAQ bóliminiń meńgerýshisi. 2005-2006 jyldary — «Qazaqstan Respýblıkasy Prezıdentiniń TRK» UAQ bólim meńgerýshisi. 2006 jylǵy naýryz-tamyz aralyǵynda — QR Prezıdenti Baspasóz qyzmetiniń bas sarapshysy.
2006-2007 jyldary — «Egemen Qazaqstan» respýblıkalyq gazetiniń sholýshysy.
2007-2012 jyldary — QR Prezıdenti Ákimshiliginde túrli qyzmetter atqarǵan. 2012-2013 jyldary — QR Mádenıet jáne aqparat mınıstrliginiń Aqparat jáne muraǵat komıteti tóraǵasynyń orynbasary. 2013-2017 jyldary — QR Memlekettik hatshysy Hatshylyǵy meńgerýshisiniń orynbasary.
2017 j. maýsym-qarasha aralyǵynda — «Egemen Qazaqstan» respýblıkalyq gazetiniń bas redaktory. 2017-2019 jyldary — QR Mádenıet jáne sport mınıstrligi Til saıasaty komıtetiniń tóraǵasy. 2019 jylǵy naýryzdan bastap qazirgi tańǵa deıin — QR Memlekettik hatshysy hatshylyǵy meńgerýshisiniń orynbasary.