Qazaqstanda Ulttyq halyq sanaǵyna daıyndyq júrip jatyr.
2021 jylǵy Ulttyq sanaǵynyń aldynda 1-30 maýsym aralyǵynda ıntervúerler (tirkeýshiler) árbir eldi meken boıynsha turǵyn jaılar, turǵyn úıler (turǵyn jaı ǵımarattary) jáne turǵyn úı retinde paıdalanylatyn turǵyn emes oryndardyń barlyǵyn aralap, olardyń tizimin jáne turaqty turatyn turǵyndardyń sanyn naqtylaıtyn bolady, dep habarlady Almaty-akshamy.kz QR statısıka komıtetine siltemelep
Alaıda turǵyndar arasynda sanaqtyń birinshi kezeńi boıynsha túsinispeýshilikter týyndap otyr. Osyǵan baılanysty Ulttyq statısıka búrosy turǵyndardy halyq sanaǵyna belsendi qatysýǵa shaqyrady. Aıta keteıik, Halyq sanaǵynyń 1-shi kezeńiniń basty maqsaty – mekenjaılar men onda turatyn azamattardyń sanyn naqtylaý.
Birinshi kezeńde jasalatyn tizimder qalalyq jáne aýyldyq eldi mekenderdiń aýmaqtaryn nusqaýshylyq jáne esep ýchaskelerine durys bólý jáne turǵyn sanyn ekinshi kezeń sanaǵyna, ıaǵnı aýdandastyrý úshin sanaq qyzmetkerine júkteme kólemine sáıkes birkelki bólý úshin qajet. Sondaı-aq, bul sanaq kezinde turǵyndar esebin tolyqtaı qamtýǵa múmkindik beredi.
1-shi maýsymnan bastap barlyǵy 5 405 ıntervúer jáne 773 nusqaýshy-baqylaýshy qajetti málimetterdi jınaýda.
«Turǵyndardyń nazaryna! Nysandardy aralaý kezinde ıntervúerler ózderin tanystyryp, tegin aıtýlary jáne sanaq ıntervúeriniń kýáligin kórsetýi kerek, kelýiniń maqsatyn naqty jáne qysqasha túsindirip, sol úı-jaıda turaqty (ádette) turatyndardyń meken-jaılaryn jáne sanyn suraıdy»,– delingen resmı habarlamada.
Eske sala keteıik, 2021 jyldyń ulttyq sanaǵynyń negizgi kezeńi 1 qyrkúıekten 30 qazanǵa deıingi aralyqta ótedi. Oǵan onlaın rejıminde de, sondaı-aq, dástúrli tásilmen de qatysýǵa bolady.