«Jasyl damý» AQ Qazaqstan Respýblıkasynyń aýmaǵynda elektrondyq qaldyqtardy qaıta óńdeý salasyndaǵy jetekshi kompanıa bolyp tabylatyn «Technic Destroy» JSHS ınovasıalyq ekologıalyq jobasyna qoldaý kórsetý nıeti týraly habarlaıdy.
«Technic Destroy» JSHS 2009 jyly qurylǵan jáne Qazaqstanda keńselik jáne komersıalyq tehnıkanyń qaldyqtaryn qaıta óńdeý salasynda tanylǵan kóshbasshy bolyp sanalady. Kompanıa lıtıı-ıondy batareıalardy qaıta óńdeý naryǵynda senimdi pozısıaǵa ıe boldy, bul Ortalyq Azıada mamandandyrylǵan óndiris jelisin engizgen alǵashqy kompanıa boldy. 2024 jyly kásiporyn 3000 tonnadan astam batareıalar men elektrondy jabdyqtardy qaıta óńdedi.
Lıtıı-ıondy batareıalardy qaıta óńdeý jelisiniń jobalyq ónimdiligi saǵatyna 300 kg quraıdy, al qaıta óńdeletin shıkizattyń jalpy kólemi jylyna 500 tonnadan asady.
«Jasyl damý» AQ tarapynan josparlanyp otyrǵan qoldaý qorshaǵan ortanyń lastaný deńgeıin edáýir tómendetýge jáne Qazaqstannyń «jasyl» ekonomıka salasyndaǵy áleýetin nyǵaıtýǵa múmkindik beretin óńdeýdiń ozyq jáne ekologıalyq qaýipsiz tehnologıalaryn engizýge baǵyttalǵan.