West Norwood Picturehouse zalynda óner janashyrlary jınaldy
Londonda Crystal Palace International Film Festival aıasynda «Bir aspan tarıhy» beınebaıanynyń kórsetilimi ótti, dep habarlaıdy Almaty-akshamy.kz dimashnews.com saıtyna silteme jasap.
West Norwood Picturehouse zalynda óner janashyrlary jınaldy, olardyń arasynda Dımashtyń jankúıerleri de boldy. Ulybrıtanıadan, Irlandıadan jáne basqa elderden Dears fılmdi kórýge arnaıy kelgen qonaqtar da boldy.
Kórermender alǵash ret 2022 jyldyń 24 qyrkúıeginde Almatyda ártistiń jankúıerlerimen fan-kezdesýinde «Bir aspan tarıhy» týyndysynyń beınebaıanyn kórgen bolatyn. Dımash Qudaıbergen rejıser Alına Verıpányń 13 mınýttyq mýzykalyq fılminde kompozıtor, senarı avtory jáne basty róldi somdady.
«Fılmniń negizgi ıdeıasy – ol balalarymyzdyń ómirin, súıispenshiligin, dostyǵyn jáne jerin saqtaý úshin birigýge, bir-birimizdi ulttyq, áleýmettik, dinı prınsıp boıynsha bólip-jarýdy toqtatýǵa shaqyrady», – dedi fılm rejıseri Alına Verıpá.
Crystal Palace International Film Festival búkil álem boıynsha 10 000-nan astam kınofestıvalderdiń ishindegi eń úzdik ondyqqa kiredi. 2009 jyly negizi qalanǵan kınofestıval kartınalardy muqıat tańdaý arqyly táýelsiz fılmderdiń eń jaqsysyn ǵana kórsetedi. Festıválge qatysý fılmge belgili bir sapa belgisin jáne úlken aýdıtorıany kórýge múmkindik beredi.
«Bul jobanyń eń úlken mısıasy - men álemde bolyp jatqan soǵystardy kórgendegi óz sezimderimdi kórsetkim keledi. Biz bir-birimizdi qurmetteý, bir-birimizdi súıý qanshalyqty mańyzdy ekenin kórsetýge tyrysýymyz kerek. Men úshin jaman ult joq. Biz bárimiz bir Qudaıdyń balalarymyz», – dedi Dımash Qudaıbergen SOC Film Festival-da ótken baspasóz máslıhatynda.