Sottalǵan áıel sińlisimen kórisemin dep oılaǵan joq
SHQO Qylmystyq atqarý júıesine qarasty №44 mekeme qyzmetkerleri 8 naýryz kúni qarsańynda 15 jyl buryn bir-birinen kóz jazyp qalǵan apaly-sińlili qyzdardyń kezdesýine sebepshi bolǵan. Qaıta qaýyshqan qyzdardyń biri atalǵan mekemede jazasyn ótep júr, dep habarlady Almaty-akshamy.kz Elorda.info-ǵa silteme jasap.
SHQO QAJD málimetinshe, jazasyn óteýshi áıel kúıeýinen qorǵanamyn dep abaısyzda oǵan dene jaraqatyn salǵany úshin isti bolǵan. Sottalǵan áıeldiń sózinshe, olar úıde tórt aǵaıyndy bolǵan - úsh qyz jáne bir er bala. Ókinishke qaraı, baýyry dúnıeden erte ozǵan. Onymen kezdesýge túrmege Alena esimdi sińlisi keldi. Alena qazir 22 jasta, Almatyda turady. Turmys qurǵan.
- Sottalǵan áıel sińlisimen kórisemin dep oılaǵan joq. Mekeme qyzmetkerleri ony sińlisimen jolyqtyrýdy josparly túrde uıymdastyrdy. Astanada turatyn ápkesin izdep taýyp, onyń Óskemenge ushaqpen jetýine jaǵdaı jasady. Sottalǵan áıel kolonıa asqanasynda jumys isteıdi. Ony asqanaǵa «kómegiń kerek» dep shaqyryp aldyq. Ony sol jerde kópten beri kórmegen sińlisi de kútip turdy. Bárimiz kózimizge jas aldyq, óte áserli boldy. Olardy kezinde anasy balalar úıine ótkizgen. Sottalǵan áıeldiń jasy ol kezde 12-de, odan keıingi sińlisi 3 jasta, al kenje sińlisi bir jarym jasta bolǵan, - deıdi SHQO QAJD baspasóz hatshysy.
Osy rette vedomstvo ókili sottalǵan áıeldiń kishi sińlisi qazirgi ýaqytta aýrýhanada em alyp jatqandyqtan kezdesýge kele almaǵanyn atap ótti.
Aıta keteıik, kolonıa qyzmetkerleri sottalǵan áıeldiń týǵan sińlilerin qańtar aıynda taýyp, baılanys ornatqan. Sodan beri olar bir-birimen telefon arqyly sóılesip turady.
- Ekeýmiz balalar úıine túskende estıar boldyq, menen keıingi qyz úsh jasta boldy. Al kishi sińlimiz nebári bir jarym jasta bolatyn. Sondyqtan ol emis-emis esimde. Biz osyǵan deıin telefon arqyly ata-anamyz týraly sóılestik. Aldaǵy ýaqytta aıtar áńgimemiz áli kóp, - deıdi áıel.