Alǵashqy oıynda qazaqstandyq fýtzalshylar 2:0 esebimen jeńiske jetti
Fýtzaldan Qazaqstan quramasy búgin álem chempıonatynyń 2-irikteý satysynda tórtinshi oıynyn Slovenıaǵa qarsy ótkizdi, dep habarlaıdy Almaty-akshamy.kz QazAqparatqa silteme jasap.
Quramalar Eýropa qurlyǵy boıynsha 5-topta synǵa tústi. Alǵashqy úsh týrdan keıin qazaqstandyq fýtzalshylar toǵyz upaı jınasa, slovenıalyqtar enshisinde alty upaı boldy. Búgingi kezdesýde qazaqstandyqtar kem degende teń túsken jaǵdaıda jarystyń elıtalyq satysyna joldama alatyn edi.
Eki qurama arasyndaǵy alǵashqy oıynda qazaqstandyq fýtzalshylar 2:0 esebimen jeńiske jetti.
Sondaı-aq el quramasy Chernogorıany Chernogorıany 7:0, 5:1 esebimen tize búktirgen edi.
Kezdesý barysynda quramalar bir-biriniń qaqpasy mańynda jıi boı kórsetti. Oıynnyń 4-mınýtynda qazaqstandyq Áltert Aqbalyqov esep ashty. Ol ulttyq qurama sapynda 50 oıyn ótkizip, óziniń 16 golyn soqty.
Al 8-mınýtta slovenıalyq Jıga Cheh tarazy basyn teńestirdi. Odan keıin 14-mınýtta Dáýren Tursaǵulov Qazaqstan quramasyn qaıtadan alǵa shyǵarsa, Taınan 19-mınýtta esepti ulǵaıta tústi.
Ekinshi kezeńde slovenıalyq Igor Omredkar 23, Teo Týrk 25 -mınýtta mergendik tanytty.
Kezdesý 3:3 esebimen teń aıaqtaldy. Qazaqstan quramasy jarystyń elıtalyq satysyna joldama aldy.
Aıta ketsek, el quramasy álem chempıonatynyń fınaldyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.
2024 jylǵy álem chempıonaty ótetin el ázirge anyqtalǵan joq. Dop dodasy sol jyldyń qyrkúıek-qazan aralyǵynda ótkiziledi dep josparlanyp otyr.