Bılik ókilderi tótenshe jaǵdaı jarıalady
Epısentri Derna qalasynda bolǵan tasqyn saldarynan 11 myń adam qaza taýyp, 20 myń turǵyn iz-túzsiz joǵalyp ketken. Bul týraly Almaty-akshamy.kz RBK Al-Hadath-qa silteme jasap habarlaıdy.
Lıvıadaǵy Halyqaralyq Qyzyl Kres komıteti azamattar men qutqarýshylardy abaı bolýǵa shaqyrdy.
«Derna – soǵystan qalǵan jarylýy múmkin qaldyqtarmen lastanǵan qala ekeni belgili», - delingen habarlamada.
Sý tasqyny saldarynan oq-dári men mına qaldyqtary burynǵy ornynan qalaǵa shashylǵan bolýy múmkin, dep eskertti uıym.
10 qyrkúıekte Lıvıanyń shyǵysyna «Danıel» daýyly tóndi. Ol jaǵalaýdaǵy Bengazı, Derna jáne Djabal ál-Ahdar qalalaryna zaqym keltirdi. Lıvıa bıligi Kırenaıka shyǵys provınsıasyndaǵy úsh aýdandy apat aımaǵy dep jarıalady.
Daýyl saldarynan Dernany qorshap turǵan eki plotına jarylyp, sý tasydy. Sý adam turatyn kvartaldardy shaıyp, Lıvıanyń shyǵys bóligindegi jaǵalaý mańyndaǵy úılerdi qıratty. Bılik ókilderi tótenshe jaǵdaı jarıalady. Mektep pen dúkender jabylyp, komendanttyq saǵat engizildi. BUU uıymy jergilikti jáne ulttyq deńgeıde jedel kómek kórsetýge ýáde berdi.