Jambyl atyndaǵy fılarmonıanyń Úlken zalynda T.Ábdirashev atyndaǵy QR Memlekettik akademıalyq sımfonıalyq orkestriniń, Qazaqstannyń eńbek sińirgen qaıratkeri Erbolat Ahmedárovtyń dırıjerlik etýimen «Lúdvıg van Bethoven» atty konserti ótti.
Kórkemdik jetekshisi jáne bas dırıjeri Qanat Omarov. Kesh Qazaqstannyń halyq ártisi, «Qurmet» jáne «Parasat» ordenderiniń kavaleri, profesor Gúljamılá Qadyrbekovanyń 70 jyldyǵyna arnap uıymdastyryldy.
Konsertte orkestrdiń súıemeldeýimen B.Baıqadamov atyndaǵy Memlekettik hor kapelasy L.V.Bethovenniń «Fortepıano, hor jáne orkestrge arnalǵan fantazıa», I. Bramstyń «Mahabbat áýenderi» eki fortepıano jáne horǵa arnalǵan or. 52 shyǵarmasyn oryndady. Kórkemdik jetekshisi jáne bas dırıjeri Qazaqstannyń eńbek sińirgen qaıratkeri, «Qurmet» ordeniniń kavaleri - Beıimbet Demeýov.
Qazaqstannyń eńbek sińirgen qaıratkeri Erbolat Ahmedárov:
«Búgingi keshte oryndaǵan shyǵarma jaıly aıtsam, Fantazıa Lúdvıg van Bethovenniń áıgili «9 Sımfonıasy» bar, Oda k radostı degen. Dál sol sekildi bul shyǵarma mýzykanttar arasynda malyı oda k radostı dep atalyp ketti. Shyǵarmanyń mańyzdylyǵy – ishinde opera janry men aspaptyq orkestrge arnalǵan qosylyp oryndalady. Al, búgingi sahnada shyǵarma keńeıtilip, aspaptyq orkestrmen hor birigip, ádemi úılesimde óner kórsetti. Sonymen qatar, fotepıanoda qosyldy. Shyǵarmanyń ózi de stılısıka jaǵynan kúrdeli, kásibılikti talap etedi. Búgingi konsertte ónerpazdar óz sheberligin barynsha kórsetti, kórermenderge de unady degen oıdamyn».
Klasıka mýzyka tarıhynda erekshe oryn alatyn uly kompozıtor Lúdvıg van Bethovenniń týyndylary mýzyka áleminde kúni búginge deıin óz mańyzdylyǵyn joǵaltqan emes. Konsert basynda tyńdarmandarǵa K.Kýfnerdiń Bethovenniń fantazıasyna arnalǵan poetıkalyq mátini taratylyp keshke erekshe áser berdi. Konsertte Qazaqstannyń halyq ártisi, «Qurmet»jáne «Parasat» ordenderiniń kavaleri, profesor Gúljamılá Qadyrbekova, «Qurmet» ordeniniń kavaleri Erkebulan Saparbaev, halyqaralyq baıqaýlardyń laýreattary Maıa Sepp, Ermek Qurmanaev óner kórsetti.
Qazaqstannyń halyq ártisi Gúljamılá Qadyrbekova:
«Konserttik baǵdarlama klasıkalyq repertýardyń birshama kúrdeli týyndylarynan quralǵanyna jáne kásibı mamandarǵa arnalǵanyna qaramastan, zaldaǵy kórermender Bethoven men Bramstyń shyǵarmalaryn zor súıispenshilikpen qabyldady. Sımfonıalyq orkestr, hor jáne jeke solıs arasyndaǵy birikken oryndaý, úlken daıyndyqty qamtıtyn óte kúrdeli proses. Bul jerde úlken ról sózsiz dırıjerge tıesili ekenin basa aıtyp, keshte eki iri ujymnyń kásibıligin qosa aıtqym keledi. Kesh óte jaqsy deńgeıde ótti».
90jylǵa jýyq tarıhy bar fılarmonıa ónerpazdarynyń búgingi sahnasy - klasıka mýzykasynda asqan erekshe úılesimde oryndalǵan mańyzdy konsertterdiń biri bolyp tabylady. Uly nemis kompozıtorynyń shyǵarmalarynan keshke kelgen kópshilik erekshe áser alyp, ónerpazdardy ystyq yqylasyna bóledi.
