Indonezıada Levotobı Lakı-Lakı janartaý oıandy, áýe reısteri toqtatyldy
Indonezıadaǵy belsendi janartaýlardyń biri — Levotobı Lakı-Lakı janartaý qaıta oıandy, dep habarlaıdy aqshamnews.kz
Onyń atqylaýy Balı aralyndaǵy Ngýrah-Raı halyqaralyq áýejaıyna kelip-ketý baǵytyndaǵy birneshe reısterdiń toqtatylýyna ákeldi. Áýejaı Balı aralynan shamamen 500 kılometr qashyqtyqta ornalasqan.
Janartaýdyń atqylaýy halyqaralyq áýe qatynasyna aıtarlyqtaı áser etti. Álemge áıgili iri áýekompanıalar, sonyń ishinde Qantas, Virgin Australia jáne Jetstar aldaǵy birneshe kúnge josparlanǵan reısterin toqtatyp, Balı aralyna ushatyn ushaqtardy ýaqytsha jibere almaıtynyn habarlady.
Bul oqıǵa aımaqtaǵy áýe qatynasyna kedergi keltirip, kóptegen týrıser men jergilikti turǵyndardyń josparlaryna áser etýi múmkin.