Qazaqstannyń Qarjy monıtorıńi agenttigi "BizBirgemiz" jobasynyń quryltaıshysy Perızat Qaıratty kóktemgi sý tasqynynan zardap shekkenderge jınalǵan 1,5 mıllıardtan astam teńgeni jymqyrdy dep aıyptap, tergeý júrgizip jatyr, dep habarlaıdy aqshamnews.kz.
Qarajat qymbat kólikter, elıtalyq páterler men shetelde demalysqa jumsalǵan.
«Aǵymdaǵy jyldyń kókteminde ol elordadaǵy avtosalondardan Mercedes-Benz S450 (88 mln teńgege), Lexus LX-600 (80 mln teńgege) jáne Haval (39 mln teńgege) sıaqty premıým-klass kólikterin satyp alǵan. Sol kezeńde Astanadaǵy Akbulak Riviera, Highvill Ishim Gold, «Kók Jaılaý» turǵyn úı keshenderinen (parkıng oryndaryn qosa alǵanda), sondaı-aq Vela Village kotej qalashyǵynan 600 mln teńgege elıtalyq jyljymaıtyn múlik satyp aldy. Sonymen qatar, Qazaqstannyń beıjaı qaramaıtyn azamattarynyń qaıyrymdylyq qarajattary esebinen Perızat K. birneshe ret Dýbaı, Doha, London jáne Ystambul qalalaryna demalýǵa shyǵyp, St. Regis, Shangri-La, Palazzo Versace jáne Kempinski sıaqty bes juldyzdy qonaq úılerde turǵan. Osy elderde ol Cartier jáne Louis Vuitton brendteriniń qymbat áshekeıleri men aksesýarlaryn satyp alyp, qymbat meıramhanalarǵa baryp, ıahtada teńiz serýenderin uıymdastyrǵan», – delingen habarlamada.
Alaıaqtyq áreketteri dáleldense, bul jaǵdaı qaıyrymdylyqqa degen senimge zıan keltirýi múmkin.