Memleket basshysy ǵalymdarmen ótken jıynda osylaı dedi.
Toqaev bul máselede ǵalymdarǵa basqa elderdiń ozyq tájirıbesin muqıat zerttep, utymdy tustaryn paıdalanýdy usyndy, dep habarlaıdy Almaty-akshamy.kz
Prezıdent osy sátti paıdalana otyryp, qazaq tiline reforma jasaý kerek ekenin aıtty.
Sondaı-aq ol asyǵys qabyldanǵan sheshim saldarynan ketken qatelikterge toqtaldy.
"Biz latyn álipbıine tez arada kóshýimiz kerek dep, kóptegen óreskel qate jiberdik. Mysaly, latyn qarpimen jazylǵan bılbordtarǵa qarańyzdar! Bul – qazaq tili emes, tilimizdiń tabıǵatyna jat, burmalanǵan mátinder", dedi ol.
Sondyqtan "bul jumysty Ǵylym akademıasynyń basshylyǵymen asyǵystyqqa jol bermeı, jan-jaqty oılastyra otyryp, jalǵastyrý kerek" degen Prezıdent asyǵystyqtan ketken óreskel qateni mysal keltire otyryp aıtty.
"Taǵy da qatelesýge quqymyz joq. Bir mysal keltireıin. Men bul másele boıynsha Quryltaı otyrysynda aıttym. Kırıllısada kóptegen sózde "y" degen árip bar. Mysaly, "yrymshyl" degen sózde úsh "y". Biz ony avtomatty túrde "ý" dep jazatyn boldyq. Sonda "yrymshyl" degen sózdi latyn álipbıinde jazatyn bolsaq, úsh ıgrek bolady. Bul qazaq tili me? Ony kim oqı alady? Aqyrynda, tilimiz kırıll álipbıimen de, tipti, latyn álipbıimen de jaǵymsyz kórinetin boldy. Osyndaı mysaldar az emes", - dedi Qasym-Jomart Toqaev.
Memleket basshysy osy oraıda ǵalymdarǵa basqa elderdiń ozyq tájirıbesin muqıat zerttep, utymdy tustaryn paıdalanýdy tapsyrdy.