Prezıdent Qasym-Jomart Toqaev qarajattyń bári «qumǵa sińgen sýdaı» bolǵan «Parasat» holdıńiniń jaǵdaıyn, al burynǵy basshynyń AQSH azamattyǵyn alyp, elden ketkenin eske aldy, dep habarlaıdy Almaty-akshamy.kz.
«Ǵylymdy memleket tarapynan qarjylandyrýǵa ǵalymdar, naqtyraq aıtqanda psevdoǵalymdar «maıshelpek» retinde qaramaýy kerek ekenin basa aıtqym keledi. Qarjy granttarynyń kóbinese ǵylymı mańyzy, ózektiligi joq jobalarǵa beriletini eshkimge jasyryn emes. «Parasat» ǵylymı holdıńinde bolǵan ókinishti jaǵdaı – osynyń anyq mysaly. Bólingen qarajattyń bári qumǵa sińgen sýdaı boldy. Al onyń burynǵy basshysy, hımıa ǵylymdarynyń doktory Amerıka azamattyǵyn alyp, otbasymen birge elden ketip qaldy. Elimizdegi zertteý ýnıversıtetteriniń sanyn birtindep kóbeıtý qajet. Sheteldiń jetekshi joǵary oqý oryndarynyń fılıaldaryn ashý tájirıbesin jalǵastyrý kerek», - dedi Toqaev.