Ulttyq basketbol qaýymdastyǵynyń alty dúrkin chempıony Maıkl Djordannyń aıaq kıimi satyldy.
Ataqty basketbolshy Air Jordan 13 sporttyq aıaq kıimin mansabyndaǵy sońǵy fınalda kıgen. Aıaq kıim aýksıon kezinde 2,2 mln dollarǵa satylǵan, dep habarlaıdy Almaty-akshamy.kz Astanatv.kz-ke silteme jasap.
Basylym málimetinshe, bul - sporttyq aıaq kıim arasyndaǵy rekordtyq soma. Buǵan deıingi úzdik kórsetkish te Maıkl Djordanǵa tıesili bolǵan. 2021 jyly basketbolshynyń taǵy bir sporttyq aıaq kıimi 1,4 mln dollarǵa satylǵan. Sonymen qatar ataqty sportshynyń mach kezinde kıgen jeıdesi 10,1 mln dollarǵa ótip ketken. Aıta keteıik, Maıkl Djordan 2003 jyly mansabyn aıaqtaǵan. Ol "Chıkago" klýby sapynda Ulttyq basketbol qaýymdastyǵynyń alty dúrkin chempıony atanǵan.
Budan bólek basketbolshy AQSH quramasymen birge eki márte Olımpıada jeńimpazy boldy.