Tilsiz jaý 100 gektarǵa tarady.
QR Tótenshe jaǵdaılar mınıstrliginiń málimetinshe, búgin túnde Atyraý oblysynda Kaspıı teńiziniń jaǵalaýynda qamys órtene bastaǵan, , dep habarlaıdy Almaty-akshamy.kz
Resmı málimetke sáıkes, bul jer Qurmanǵazy ormanshylyǵynyń aýmaǵyna kiredi. Al 40 shaqyrym shalǵaıda Qurmanǵazy aýyly bar.
Eki saǵattan keıin oqıǵa ornyna órt sóndirý bóliminiń, orman sharýashylyǵy men jergilikti atqarýshy organnan 36 adam bardy. Qazirgi kezde 6 motopompa, birneshe tehnıka men motoqaıyq órtti sóndirip jatyr.
"Batpaqty jer men qamystyń tyǵyz qalyń ósýi órtti sóndirýge qıyndyq týǵyzýda, tehnıkanyń barýyna kedergi keltirýde", - deıdi qutqarýshylar.
Eldi mekenderge qaýip tónip turǵan joq. Órtti sóndirý jumystary jalǵasyp jatyr.