Aǵymdaǵy jyly balalardy saýyqtyrý uıymdaryn (lager) maýsymǵa ýaqtyly daıyndaý maqsatynda Komıtettiń aýmaqtyq bólimsheleri ákimdikpen birlesip balalardyń jazǵy demalysyn uıymdastyrý boıynsha Jol kartalaryn ázirlep bekitti.
Jol kartalaryn iske asyrý sheńberinde:
balalar demalysy obektileriniń sanıtarıalyq-tehnıkalyq jaı-kúıin baǵalaý jónindegi vedomstvoaralyq komısıalardyń jumysyn uıymdastyrý;
- lager qyzmetkerlerimen oqytý jáne túsindirý is-sharalaryn ótkizý, sondaı-aq daıyndyqtan bastap aýysym aıaqtalǵanǵa deıingi barlyq kezeńderde sanıtarıalyq-epıdemıologıalyq talaptardyń oryndalýyn baqylaý;
- balalardyń tamaqtaný, sýmen jabdyqtaý, medısınalyq qyzmet kórsetý jáne turý jaǵdaılarynyń sapasyn baqylaý kózdelýde.
Búgingi tańda konsýltasıalyq kómek kórsetý úshin ár lagerge sanıtarıalyq-epıdemıologıalyq qyzmet mamandary bekitildi, olar 191 lager ókilderine keńes berdi.
Jol kartalaryn iske asyrý boıynsha monıtorıń Komıtettiń baqylaýynda. Qazirgi ýaqytta Komıtettiń aýmaqtyq bólimsheleriniń atyna sanıtarıashllyq-epıdemıologıalyq qorytyndy (SEQ) alýǵa 29 ótinish kelip tústi, onyń 8-i SEQ aldy, 17-si qaralýda, 4-ne –dáleldi bas tartý berildi.
Dáleldi bas tartýdyń negizgi sebebi – qujattardyń tolyq emes paketin usyný, atap aıtqanda jaryqtandyrý hattamalarynyń, mıkroklımattyń, sýdy vırýsologıalyq zertteýdiń jáne obektiniń tehnıkalyq pasportynyń bolmaýy.