Aýrýdy odan ári asqyndyrmaý úshin qandaı shara qoldanýymyz kerek? Bas sanıtar qandaı keńes beredi?
Búgin Óńirlik komýnıkasıalar qyzmetinde ótken onlaın baspasóz konferensıasy barysynda Almaty qalasy Sanıtarlyq-epıdemıologıalyq baqylaý departamentiniń basshysy Jandarbek Bekshın KVI aýrýyn azaıtý men saqtaný sharalary týraly aıtty, dep habarlaıdy Almaty-akshamy.kz.
Megapolıstiń memlekettik Bas sanıtarlyq dárigeri Ashyq júıesin engizý arqyly aýrýdyń tómendeýine shaǵyn jáne orta bıznes nysandaryn monıtorıńtik toptardyń júıeli baqylaýy áser etkenin atap ótti. Sondaı-aq qoǵamdyq oryndarda (kireberisterde, baspaldaq alańdarynda, balalardyń oıyn alańdarynda) profılaktıkalyq dezınfeksıa júrgizý oń nátıje berdi.
Jandarbek Bekshın Almatyda Ashyq jobasy osy jyldyń aqpan aıynan bastap júzege asyrylyp jatqanyn eske saldy. Onyń mindetteriniń biri – juqtyrǵan turǵyndar men olardyń baılanys tulǵalaryn qoǵamdyq oryndarǵa barýyn shekteý. Sondaı-aq, eki aptalyq úı karantınin saqtaý mindetti.
Jandarbek Bekshınniń málimetinshe, joba bastalǵannan beri Almatyda óz mártebesin skanerleý nátıjeleri boıynsha 1235 turǵynnyń «qyzyl» mártebesi rastaldy, 298 turǵynnyń «sary» mártebesi anyqtaldy.
Jobanyń taǵy bir artyqshylyǵy – mobıldi qosymshanyń kómegimen úı karantınin buzbaı «qashyqtan» tekserý múmkindigi bar. Osylaısha, qosymshanyń arqasynda Almatyda 649 turǵynnyń qyzyl mártebesi, 144 turǵynnyń sary mártebesi rastaldy.
«Júrgizilgen sharalardyń, sondaı-aq Ashyq jobasynyń nátıjesinde KVI boıynsha táýliktik ósim 6 esege tómendedi. Sońǵy táýlikte Almatyda mamyr aıynyń alǵashqy kúnderinde 605 – 608 jaǵdaıǵa qarsy KVI-diń 143 jaǵdaıy tirkeldi», - dedi Almaty qalasynyń memlekettik Bas sanıtarlyq dárigeri Jandarbek Bekshın.
Ol kásipkerlerdi joba talabyna adal bolýǵa, belgilengen shekteýlerdi saqtaýǵa shaqyrdy, óıtkeni joba karantındik jeńildiktermen jumys isteýge múmkindik beredi.