Búginde megapolıste 316 407 adam vaksına alǵan.
Koronavırýs indetin vaksına alý arqyly toqtatýǵa bolady. Bul týraly búgin Óńirlik komýnıkasıalar qyzmetiniń baspasóz konferensıasynda Almaty qalasy Sanıtarlyq-epıdemıologıalyq baqylaý departamentiniń basshysy Jandarbek Bekshın aıtty, dep habarlaıdy Akmaty-akshamy.kz.
Jandarbek Bekshın atap ótkendeı, Qazaqstanda KVI-ǵa qarsy vaksına saldyrý qaýipti aımaqtan bastaldy: medısına qyzmetkerleri, ýchaskelik polısıa, ákimdik qyzmetkerleri, komýnaldyq qyzmet, qoǵamdyq tamaqtaný oryndary, saýda qyzmetkerleri ekpe saldyrdy.
«Ótken kezeńde 316 407 adam vaksına aldy, bul qala halqynyń 16%-yn quraıdy, aýyryp jazylǵan adamdar 5%, sonyń arqasynda 21%-dyq ujymdyq ımýnıtet qalyptasty», - dedi Almaty qalasynyń memlekettik Bas sanıtarlyq dárigeri.
Jalpy, vaksınany 60 jastan asqan 32 758 nemese 12%-dan astam adam saldyrdy.
Jandarbek Bekshın qala turǵyndaryn vaksına alýǵa shaqyrdy, óıtkeni bul proses ujymdyq ımýnıtetti qalyptastyrý úshin mańyzdy. Ol kúzge qaraı ujymdyq ımýnıtetti qalyptastyrý úshin vaksına naýqanyn qoldaýǵa shaqyrdy.
«Bul - ózińe, jaqyndaryńa degen jaýapkershilik. Árkimniń ekpe alýy mańyzdy. Birqatar adamdar aýrýǵa tózbeıdi, olardyń densaýlyǵy. saqtaý bizge baılanysty», – dedi Jandarbek Bekshın.
Eske salsaq, Almatyda medısınalyq uıymdarda, mektepterde, mádenıet, sport nysandarynda, bazarlar men qalanyń SOSO-da 211 vaksına pýnkti jumys isteıdi (250-ge deıin ulǵaıtý múmkindigimen). 1 257 adamnan turatyn 304 egý brıgadasy bar.