Ipotekalyq kredıtterdiń paıyzy ósip ketetin bolsa, onda úıdi ıpotekaǵa alatyn adamdardyń sany azaıady
Jyl basynda 9,75 paıyz bolǵan bazalyq stavka endi 14,5 prosentke jetti, dep habarlaıdy Almaty-akshamy.kz «Habar 24» telearnasyna silteme jasap.
Sarapshylardyń aıtýynsha, Ulttyq banktiń mundaı sheshimi depozıtte aqshalary bar azamattar úshin tıimdi. Óıtkeni oǵan qosylatyn ústemeqy da artady. Al jańadan kredıt alatyndar úshin nesıe qymbatqa túsedi. Ekonomıs Maqsat Halyqtyń aıtýynsha, bazalyq stavkany ınflásıadan tómen ustasa, táýekel joǵary bolady. Keıin ınflásıa jyldam artyp, túrkıalyq senarı bolýy múmkin deıdi. Mundaı saldar bolmas úshin, bazalyq stavka ne teńesý kerek, nemese joǵary bolýy shart. Sonda birqatar suranys shektelip, belgili bir dárejede taýarlardyń baǵasy túse bastaýy kerek.
«Ipotekalyq kredıtterdiń paıyzy ósip ketetin bolsa, onda úıdi ıpotekaǵa alatyn adamdardyń sany azaıady. Bul turǵyda, kerisinshe, suranys azaıýynyń nátıjesinde úıdiń baǵasy qatty óspeıdi. Kerisinshe, ósim prosesi toqtap qalýy múmkin. Kúzde, qyrkúıekte, bizde ınflásıa kishkene tejeledi. Inflásıanyń kishkene bolsa da, tusaýlanatyn ýaqyty. Ol kezde bazalyq paıyzdyń mólsherlemesin ósirýdiń negizi joq. Kerisinshe, múmkin bolsa, tómendetken durys», - dedi ekonomıs Maqsat Halyq.