Qoǵamdyq kólikpen qatynaý baǵasy – 80 teńge
Almatyda qatynaıtyn №41 avtobýstyń marshrýty oblystaǵy Gúldala aýylyna deıin uzartyldy, dep habarlaıdy Almaty-akshamy.kz Almaty.tv-ge silteme jasap.
22 shilde iske qosylǵan baǵyt Gúldala aýylynan shyǵyp, «Almaty-1» temirjol vokzaly arqyly Kókjıek yqshamaýdanyna deıin barady. Qazirgi tańda tolyqtaı jańartylǵan 10 avtobýs bar eken. Onda elektrondy bılet, ıaǵnı ońaı júıesi jáne jeńildikter qarastyrylypty. Qoǵamdyq kólikpen qatynaý baǵasy - 80 teńge.
«Aýyldyń ishinde qalaǵa baratyn avtobýs bolǵanǵa ne jetsin?! Pandeıa kezinde halyq qınalyp qaldy. №404 avtobýs toqtaǵaly3 jyldaı boldy. 3 jyldyń ishinde kishkentaı balalar men úlken kisilerge qıyn boldy. Vokzalǵa barady eken, bazarlarǵa barady. Qalaǵa jetsek barar jeriń de alys bolmaıdy», – dedi Gúldala aýylynyń turǵyny Dınagúl Nıetbaeva.
Jaýapty mamannyń aıtýynsha, halyq sany artyp jatsa, qosymsha avtobýs bólý máselesi de qarastyrylmaq.
«Orta syıymdylyqty avtobýs. Dızel tutynady. Degenmen ol tolyqtaı Eýro-5 standarttaryna laıyqty. Gúldala kentiniń búgingi kúni halyq sanyn, qoldanýshy sanyn eseptegennen keıin, aldaǵy ýaqytta №41 avtobýs sanyn ulǵaıtý, kóbeıtý suraqtary qosymsha qarastyrylatyn bolady», – dedi Mobıldilik basqarmasynyń bólim basshysy Abylaıhan Omarhan.