Merdiger 2022 jylǵy tamyzdyń 20-synda anyqtalatyn boldy
Áleýmettik jelide Kókpek – Kegen – Túp tas joly ýchaskesinde jóndeý jumystarynyń júrgizilmeýine baılanysty narazylyq bildirgen turǵyndardyń vıdeosy jarıalandy. "QazAvtoJol" UK" AQ bul jaǵdaıǵa qatysty túsinik berdi, dep habarlaıdy Almaty-akshamy.kz Zakon.kz-ke silteme jasap.
Atalǵan vedomstvo málimetinshe, júktelgen mindettemelerdiń durys oryndalmaýyna baılanysty Kókpek – Kegen – Túp tas jolynyń 58-63 shaqyrymynda qurylys jumystaryn júrgizgen merdiger uıymmen aradaǵy shart buzyldy.
«Jańa merdiger uıymdy anyqtaý boıynsha konkýrstyq rásimder bastaldy. Merdiger 2022 jylǵy tamyzdyń 20-synda anyqtalatyn bolady, sodan keıin qurylys jumystary qaıta bastalady»,-"QazAvtoJol" UK " AQ baspasóz hatshysy Lázzat Stamǵazıeva
Qurylys jumystary bastalǵanǵa deıin jol greıdermen tegisteledi.