Almatyda tórt er adam tanymal kýrerlik qyzmet kórsetý platformasy arqyly alaıaqtyq jasaǵan, – dep habarlaıdy almaty-akshamy.kz.
“Kıberpol” qyzmetkerleri 23 jáne 21 jastaǵy syrttan kelgenderdiń alaıaqtyq áreketterin áshkereledi.
Jedel bólimsheniń málimetinshe, olar jetkizý qyzmetin kórsetýge arnalǵan qosymshany paıdalana otyryp, 50-den astam jalǵan akkaýnt tirkegen, sodan keıin ózderiniń tapsyrystaryn qabyldaǵan, olar úshin ár jetkizilimnen bonýs túrinde aqsha alyp, sol arqyly 2 mıllıon teńgeden astam sommany jymqyrǵan.
– Atalǵan derek boıynsha Medeý aýdandyq polısıa basqarmasy QR QK-niń 190-baby 2-bóligine sáıkes qylmystyq isti tergep jatyr. Qazirgi ýaqytta ustalǵandardyń basqa da osyǵan uqsas qylmystarǵa qatysy bar-joǵyn anyqtaý boıynsha jedel-tergeý is- sharalary júrgizilip jatyr, – dedi Almaty qalalyq PD krımınaldyq polısıa basqarmasynyń kıberqylmyspen kúres bóliminiń bastyǵy Igor Pýdovkın.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady. Sonymen qatar polısıada 20 qarasha men 22 qarasha aralyǵynda Almatyda ınternet-alaıaqtyqpen kúresý sharalarynyń tıimdiligin arttyrýǵa baǵyttalǵan “Hi-Tech” jedel-aldyn alý is-sharalary júrgizilip jatqanyn eske salyndy.