Almaty joldarynda bir táýlikte 10 mas júrgizýshi anyqtaldy, – dep habarlaıdy almaty-akshamy.kz.
Buǵan deıin habarlaǵandaı, quqyq buzýshylyqqa múldem tózbeýshilik qaǵıdatyn nyǵaıtý, kóshelerde jáne basqa da qoǵamdyq oryndarda tıisti qoǵamdyq tártipti saqtaý maqsatynda 20-30 qarasha aralyǵynda qalada “Quqyqtyq tártip” jalpyrespýblıkalyq jedel aldyn alý is-sharasy ótkizilip jatyr. Ol vandalızm derekterin, múliktik zalal keltirýdi, usaq buzaqylyqty, jol qozǵalysy qaýipsizdigi salasyndaǵy buzýshylyqtardy anyqtaý jáne jolyn kesýge, sondaı-aq turmystyq zorlyq-zombylyq, onyń ishinde kámeletke tolmaǵandarǵa qatysty quqyq buzýshylyqtardyń aldyn alýǵa baǵyttalǵan.
– “Býran-315” patrúldik ekıpajymen Rysqulov dańǵylynyń boıynda Mazda kóligi toqtatyldy, onyń júrgizýshisi kólikti agressıvti túrde tizgindep, ózine nazar aýdartty. Onyń ishimdik ishkeni belgili boldy, ony medısınalyq saraptama rastady. T.esimdi azamat kólik quralyn basqarýdan shettetildi jáne QR ÁQBtK-niń 608-baby 1-bóligimen jaýapkershilikke tartyldy. Sot qaýlysymen ol 7 jylǵa kólik quralyn basqarý quqyǵynan aıyrylyp, 15 táýlikke ákimshilik qamaqqa alyndy. Osy ýaqytta “Býran-304” patrúldik jasaǵy Jansúgirov kóshesiniń boıynda Honda avtokóligin toqtatty. Onyń júrgizýshisi osy jyldyń qyrkúıek aıynda qarsy jolǵa shyqqany úshin kólik júrgizý quqyǵynan aıyrylǵan. 1996 jyly týǵan K.esimdi azamat QR ÁQBtK-niń 612-baby 3-bóligi boıynsha jaýapkershilikke tartyldy, – dedi Túrksib aýdandyq polısıa basqarmasynyń bastyǵy Erkin Amantaev.
Eki kólik te mamandandyrylǵan aıyppul turaǵyna ornalastyryldy.