Kýrchatovtaǵy ulttyq ıadrolyq ortalyqta tómen baıytylǵan ýran otyny bar reaktor iske qosyldy.
Strategıalyq sanattaǵy ǵylymı eksperıment jáne MAGATE-niń uzaq merzimdi baǵdarlamalaryna sáıkes keledi. Bul – qazaqstandyq energetıka salasynda da, jalpy álemde de aýyz toltyryp aıtatyn oqıǵalardyń biri, dep habarlaıdy Almaty-akshamy.kz
Qazirgi tańda otandyq fızıkter reaktordyń jańa ıadrosynyń sıpattamalaryn zertteý ústinde, sondaı-aq, Reseı men AQSH-taǵy áriptesterimen birge otynnyń jańa túrin paıdalaný arqyly energıa óndirýdiń kórsetkishterin jaqsartýdy kózdep otyr. Synaqtar 2023 jyly aıaqtalady dep josparlanǵan.
"Ulttyq ıadrolyq ortalyǵynda VG-1M zertteý reaktoryn tómen baıytylǵan ýran otynymen iske qosý sátti aıaqtaldy. Al, osydan týra 30 jyl buryn, Ulttyq ıadrolyq ortalyq qurylǵan jyly, VG-1 reaktoryn joǵary baıytylǵan otynmen iske qosý tabysty júrgizilgen edi. Kelesi kezeńde jańa reaktordyń energetıkalyq qýaty iske qosylady, jańa belsendi aýmaqtaǵy qajetti sıpattamalardy eksperımentaldy túrde anyqtaý júzege asady", - QRUIaO Bas dırektory Erlan Batyrbekov.