Naızaǵaı, burshaq pen qatty jańbyr bolady.
Sınoptıkter 14-16 mamyr kúnderi aýa raıy qandaı bolatynyn boljady, dep habarlaıdy Almaty-akshamy.kz.
«Aldaǵy demalys kúnderi Qazaqstannyń sınoptıkalyq jaǵdaıy Soltústik Atlantıkalyq sıklonnyń jyly sektorymen jáne onymen baılanysty atmosferalyq fronttardyń ótýimen sharttalady. Solaısha shyǵysta, batysta jáne taýly, taý bókterindegi aýdandarda qatty jańbyr jaýyp, jel kúsheıedi. Biraq, buǵan qaramastan, temperatýra aıasynda erekshe ózgerister kútilmeıdi. Elimizdiń batysynda, soltústiginde, shyǵysynda jáne ortalyǵynda kúndiz termometr baǵandary 17-25 gradýsqa deıin, al eldiń ońtústiginde 18-28-den 23-35 gradýsqa deıin kóteriledi», - delingen «Qazgıdromet» habarlamasynda.