Buryn bul qyzmet elimizdiń HQKO-da jáne jergilikti atqarýshy organdarda kórsetilip kelgen.
Endi qoldanýshy JSN jáne elektrondyq sıfrlyq qoltańbasy arqyly bul qyzmetke eGov.kz portalynda tapsyrys bere alady, dep habarlaıdy Almaty-akshamy.kz
«Qyzmetti alý úshin ótinish berýshi barlyq mindetti joldardy toltyryp, suratylǵan qujattardy qosa berýi qajet. Tirkelgen faıldar pdf nemese jpg formatynda bolýy kerek», dep jazylǵan Eńbek jáne halyqty áleýmettik qorǵaý mınıstrligi taratqan aqparatta.
Ótinim bergen kezde qoldanýshy qandas mártebesin berý nemese uzartýǵa qatysty otbasy músheleri boıynsha da málimetterdi toltyra alady. Bul rette otbasy músheleriniń sanyna shekteý joq. Budan ári qoljetimdi tásilderdiń birimen suraý salýǵa qol qoıý qajet.
Usynylǵan derekter QR Eńbek jáne halyqty áleýmettik qorǵaý mınıstrliginiń aqparattyq júıeleri arqyly tekseriledi.
Memlekettik qyzmetti kórsetý merzimi – 4 jumys kúni.