2022 jyldyń qańtar-mamyr aralyǵynda 197,3 myń tonna kúnbaǵys maıy óndirilgen.
Bul byltyrǵydan 29,6% kóp. Al tazartylmaǵan kúnbaǵys maıynyń óndirisi bir jyl burynǵy kórsetkishten 61,3% artyq bolǵan, dep habarlaıdy Almaty-akshamy.kz Energyprom.kz-ke slteme jasap.
«Tazartylmaı satylatyn kúnbaǵys maıynyń 78%-i Shyǵys Qazaqstan óńirine tıesili. Al tazartylǵan kúnbaǵys maıynyń 22,6 myń tonnasy Shymkentte shyǵarylǵan».
Aýyl sharýashylyǵy mınıstrligi 31 tamyzǵa deıin kúnbaǵys maıyn Qazaqstan aýmaǵynan shyǵarýǵa shekteý qoıdy. Sol arqyly sektordaǵy baǵany turaqtandyryp, tapshylyqtyń aldyn alý josparlanǵan. Maýsym-shilde aılarynda kúnbaǵys maıyn shyǵarý kvotasy 68 myń tonna bolyp bekitildi.
Otandyq óndirýshiler 2022 jyldyń aqpan-sáýir aılarynda kúnbaǵysqa degen suranysty 83,5%-ke oryndaǵan. Óndiris kólemi byltyrǵydan 16,9%-ke artyq. Óndirilgen 149,1 myń tonna maıdyń 66,3 myń tonnasy syrtqa satylǵan. Bul byltyrǵydan 71,3% kóp.
Nátıjesinde ishki naryqta 112,2 myń tonna kúnbaǵys maıy satyldy, bul 2021 jylǵy qańtar-sáýir aılarymen salystyrǵanda 0,6%-ke ǵana artyq. Qant naryǵyndaǵy jaǵdaımen salystyrǵanda ázirge elde kúnbaǵys maıyna qatysty daýly másele týyndaǵan joq. Elde kúnbaǵys maıynyń baǵasy qatarynan 27 aı boıy ósý dınamıkasynan aýytqymaı artyp keledi.
Mamyr aıynyń qorytyndysy boıynsha maı bir aıda 0,8%-ke jáne bir jylda 19,4%-ke qymbattady. Sonymen qatar 2021 jyldyń mamyr aıynyń qorytyndysy boıynsha jyldyq baǵanyń ósýi qazirdiń ózinde óte pesımısik 52,2% qurady.
Óńirler arasynda bir jyl ishinde sektordaǵy eń úlken ósim bir aıda:
Jambyl (3,6%) oblysynda;
Qaraǵandy (2,2%) oblysynda;
Aqtóbe (1,9%) oblysynda;
Almaty (26,4%) qalasy;
Pavlodar (26,2%) oblysy;
Jambyl (26,1%) oblysynda tirkeldi.
Bıyl mamyr aıynda qalalarda kúnbaǵys maıynyń ortasha baǵasy lıtr úshin 808 teńgeni qurady.
Kúnbaǵys maıyna joǵary baǵa Atyraý (859 tg/l), Almaty (850 tg/l) jáne Aktaýda (841 tg/l) tirkeldi. Al eń tómen baǵa – Semeı (714 tg/l), Petropavl (728 tg/l) jáne Óskemende (737 tg/l).